Barsoon Kay Intazaar Ka

Barsoon Kay Intazaar Ka

Barsoon Kay Intazaar Ka Anjaam Likh Dia

Kaaghaz Pay Shaam Kaat Kay Phir Shaam Likh Dia

Bikhri Pari Thi Toot Kay Kaliyaan Zameen Per

Tarteeb Day Kay Mein Nai Tera Naam Likh Dia

Aasan Nahi Thi Tark-E-Mohabbat Ki Dastaan (Tark-E-Mohabbat = To Give Up Love)

Jo Aanso'on Nay Aakhri Paighaam Likh Dia

Hum Ko Kisi Kay Husn Nay Sha'ir Bana Dia

Hontoon Ka Naam Lay Na Sakay Jaam Likh Dia

Allah! Zindagi Say Kahan Tak Nibhaoon Mein

Kiss Bewafa Kay Saath Mera Naam Likh Dia

Taqseem Ho Rahi Thi Khudai Ki Naimatein

Ik Ishq Bach Gaya So Mere Naam Likh Dia

Qaiser Kisi Ki Dain Hai Yeh Shairi Meri

Iski Ghazal Pay Jiss May Mera Naam Likh Dia

Barsoon Kay Intazaar Ka Anjaam Likh Dia...